წიგნს ზუსტად 1 თვე ველოდი ... და აი როგორც იქნა კარი გაიღო და დედამ დიდის ამბით შემოიტანა ჩემს ოთახში მარტოობა . გახარებულმა იმ საღამოსვე დავიწყე კითხვა . წიგნი რომ გადავშალე და ვნახე რომ დიალოგის ნატამალიც არ იყო კი შევშინდი ცოტა , მოგეხსენებათ რა საშინელებაა დიდი უდიალოგო წიგნის კითვა მაშინ როცა არც ისე ამართლებს შენს იმედებს . მაგრამ მაინც უშიშრად დავიწყე ...
სწორედ ამ დღიდან შევაბიჯე მაკონდოს ლაბირინთში და დავიწყე ბორიალი ბუენდიების უზარმაზარ სახლში .
თავიდანვე თვალში მომხვდა პერსონაჟების სიუხვე , მაგრამ ეგ კიდევ არაფერი ნამდვილი პრობლემები მაშინ დაიწყო როცა მივხვდი რომ ამდენ პერსონაჟს ერთნაირი სახელები ერქვათ , ერთი ფიქრი ვიფიქრე ჩავიწერ სადმე და ასე ცალ ხელში სიით და მეორეში წიგნით გავაგრძელებ კითხვას თქო მაგრამ საკუთარი თავის მომერიდა და ასე წვალებ-წვალებით კი დავიმახსოვრე პერსონაჟებიც.
წიგნის მთელი სიუჟეტი ვითარდება სოფელ მაკონდოში კერძოთ კი ბუენდიების ოჯახში .
ეს არის ერთი დიდი ოჯახის 100 წელიწადი.
ოოო აქ ისეთი ინტრიგები ტრიალებდა ეგრევე მივხვდი წიგნი მოლოდინს გადააჭარბებდა ,
კითხვის აზარტშიც შევედი..
მეც მეტი რა მინდოდა ვკითხულობდი და ვკითხულობდი. ისე შევეჩვიე ყველა პერსონაჟს ისე ნათლად წარმოვიდგინე მათი გარეგნობა რომ წიგნის ნახევარს რომ გადავცდი და შევატყვე პერსონაჟებმა ნელ ნელა დაიწყეს "კვდომა"ძაძებ ჩაცმული ვგლოვობდი ყოველ დღე თითოეულ მათგანს გამოვძვრებოდი ოთახიდან ...-დედა ხოსე არკადიო (რომელიღაცამდენე) გარდაიცვალა ...
- აუუ დე აურელიანოც მოკვდა !!
-დეედააა ურსულაა და ამარანტა აღარ გვყავს !!! '
და ასე დაუსრულებლად ...
მარკესმა შექმნა საოცარი სამყარო რომელშიც მაშინვე გადაეშვები თავით როგორც კი წიგნს გადაშლი , სრულიად წყდები რეალობას და კითულობ ახალ-ახალ საინტერესო ისტორიებს
და ხვდები პერსონაჟებს რომლებსაც ყველას ერთად დიდი სულიერი მარტოობა აერთიანებთ .
თანაც ეს იდუმალი ფრაზა რომელიც არაერთხელ გხვდება ნაწარმოებში
"გაივლის წლები და დახვრეტის მოლოდინში კედელთან მდგომი პოლკოვნიკი აურელიანო ბუენდია იმ შორეულ საღამოს გაიხსენებს , მამამისმა ყინულის სანახავად რომ წაიყვანა პირველად "
წიგნის დასასრული ... როგორ კარგად მახსოვს ბოლო ფრაზა წავიკითხე თუ არა დაახლოებით 5 წუთი ვიჯექი და ვფიქრობდი...
დედა რა იყო ეს აა ?!
ეს ჩემი პირველი სიახლეა , თუ მოგეწონებათ დააკომენტარეთ თუ არ მოგეწონებათ მაინც <3 დიდი სტიმული იქნება
ReplyDelete